emanilapoetry is a member website of emanila group, our community § search "poetry" at emanila
Four years after the publication of our first anthology, Sa Kabila ng Ritmo: Mga Piling Tula ng mga Bagong Makata, we should now be ready for the second book.... Readmore...
In case you're wondering if your stuff had been moved around in the newly reorganized site layout, don't worry. Everything should be intact and in the exact same... Readmore...
Some weeks ago during the Christmas / New Year break, we had the opportunity to re-visit the designs of some of our websites. Some have been dormant for sometime,... Readmore...
08-Feb-2010
Category : Malayang Indayog
Ang tulang kumawala
sa bartolina ng tugma at sukat
ay tulang:
M a l a y a
ang sintensya ng sesura ay wala nang bisa
sapakat umiskapo na ang mga salita.
Marami ang umuusig-
sapagkat mga takot sa paglaya
ng radikal na pag-iisip.
Ngunit ngayon ay hind na mapipigil
ang mga salita’y nagkapakpak at nagkapangil-
sumisigaw, nagpapalahaw-
sa walang kasing tunog na ingay
sumasaliw-
umiindayog mag-isa.
08-Feb-2010
Category : Hinaing
ang pagal na katawan ay di na dumadaing
sa kapaguran ng isip ay tila wala ng malay pa
nanghahapding mga mata
sa temperaturang patuloy sa pagtaas
sa dami ng agiw ng isipan
ay hika ang inabot
ang tila kumukulong putik ng loob
ay parang bulkang isinabog ko
oo, isnigaw ko ang baho ng pagkatao
ang kanilang basura ay aking isinabog
talim ng aking salita ay ipinamalas
ngunit nakalimot, ako’y mahina
sa banig nakaratay ngayon
dahil ang puso ay di sing tatag ng isipan
laman ko’y sumuko
di kinaya ang buhawi ng imosyon
walang ibang inabot kundi sakit ng katawan
07-Feb-2010
Category : Love and Friendship
like clouds going away
i tried to reach the sky
but it’s too far away
….kunny…..
07-Feb-2010
Category : Pag-ibig at Pagmamahal
masdan mo ang liwayway
mga dahong kumakaway
mumunting ulap papalayo
sunod mga ibong nanunuyo
nabubuksan ang kalangitan
nagpapakita bagong kabihasnan
may awit sa aking isip nagpupumilit
putolputol sinusubukang magdikit
may himig at mga salitang angkin
sa kailaliman ng puso ko nagniningning
alinsabay ng pitik na kamakailan ko
lang nadama; nagbalik ulit, wika nga
05-Feb-2010
Category : Pagmumuni
nakatitig sa kawalan
ang malalim na isipan
naghahanap ng lagusan
ang ligaw na kapalaran
may dungis ang alaala
isang pintang ‘di mabura
ng larawang naging obra
‘di mawaglit sa memorya.
luhang hindi dumalislis
nag-iipon ng himagsik
nagsusumiksik sa dibdib
kinakapos na ng bait.
ang payo ng nagsangguni
ay limutin kung maari
ngunit multong umuuli
sa diwa ay nanatili.
dahil kalaban ang takot
sumusungaw pa ang lungkot
walang lakas na mahugot
hinahabol ng bangungot.
sarili ay ‘di madaya
sinentensiyahang kusa
nakapiit sa gunita
maghihintay ng paglaya.
05-Feb-2010
Category : Love and Friendship
my sense told me i saw
pretty flower by my window
i heared birds chirping a melody
rejoicing coming of sunny day
i walk away to turn on my pc
start listening to music, i know
and i’m absorb deep in blue
where is my feelings going
it fears me i’m morphing
it fears me leaving my friends
wilt under the sun without me
noticing them in their prime
what had happened, why
why i feel this way again
because you stole my heart
and left me in the dark
….lol i’m glad you’re still
pacing your floor, blu
04-Feb-2010
Category : Pag-ibig at Pagmamahal
Tanging araw ng aking pagsilang
Hunghang na naghihintay nang masuyong bati
Kung bakit ang hungkag na puso`y alumpihit
Gabing-gabi na`y binabayo pa ang dibdib
Igan malapit nang pumutok sa silangan
Hindi pa rin gumigitaw ang hinihintay
Garapa`y taob na katawa`y lumulutang
Malapit nang sumilip ang bukang-liwayway
Wala pang dapo sa kawad ng telepono
Ang mahal na ibong sumakabilang dako
Kabanuan ang asam ng windang na puso
Nangangapa sa dilim ang aninong bigo
Bakit pag-ibig na nag-ugat ng malalim
Bakit ayaw mamatay kahit na bunutin
Ang tontong likidong iniinom ng bibig
Ay pinipilit takpan ang guwang sa dibdib
Salamat kasama ko sa alab na bigay
Nababaliw ang isip sa loob ng kural
May pintuan kaya o isang kahibangan
Paano tatakas sa isang kabaliwan
Luanda, Angola
04 Feb. 2010
Huwebes
Dito sa aking silid
Likido sa kopita ang tanging kasama
04-Feb-2010
Category : Inspirasyon
Hindi kabaliwan ang nagpapakinang sa mga makata;
ang paglikha ng tula ay may pagkukusa.
04-Feb-2010
Category : Kapaligiran
Ako’y isang ibong iniwan ni ama sa pugad,
Upang makahanap ng mga uod at prutas;
Sa buong maghap’y walang humpay ang paglipad
Ako’y nangangambang si ama ay napahamak.
Nahan ka ama at ako ay iyong iniwan,
Sa maghapong gutom sa yakap mo’y nauuhaw;
Ako’y natatakot pagkat walang limbo ngayon ang b’wan
Ang ibon sa pugad nasa dila ng kamatayan.
04-Feb-2010
Category : Samut-sari
Ay, biso* ang batang may hawak na biwas,
Aayaw kumibit ayunging malapad;
Mabuti pang ikaw’y kumuha ng salap
Magtiis pag-alig sa dulong at yapyap.
Ay, biso ang batang may tangang tirador,
Hindi matamaan ang malaking ibon;
Mabuti pa yata’y kumuha’ng asarol
At iyong bagbagin ugat ng balinghoy.
Ay, biso ang batang magpalmo sa holen,
Aayaw bumaldig ang tirada’y paling;
Mainam pa yata ikaw ay kumain
Upang iyang gutom iyong sansalain.
Ay! Ay! Batang biso di magtatagumpay,
Kapag kumakalam tiya’y walang laman.
*malas, walang suwerte
Recently uploaded photos to our Flickr photostream.
Recent comments